Zao la Pamba kuingizia Halmashauri ya Wilaya ya Mkalama mill 177.6 kwa msimu wa 2021/2022.

Imewekwa kwenye: October 31st, 2021

Zao la pamba limetajwa kuwa moja ya mazao yenye thamani kubwa ambalo likilimwa kwa wingi Wilayani Mkalama linauwezo wa kuingizia Halmashauri kiasi Cha shilingi million 177.6 kwa msimu  wa 2021/2022.

Hayo yamesemwa na Bw. Juma Salum mkaguzi wa pamba wilaya ya Mkalama na Iramba kutoka bodi ya pamba Tanzania katika  mafunzo elekezi juu ya kuongeza uzalishaji na thamani katika zao la pamba.

Aidha Bw. Salum amesema kuwa Serikali kupitia bodi ya Pamba imeweka malengo ya kuzalisha kilo milioni 50 za Pamba  katika mkoa wa Singida  na kilo milioni 5 katika wilaya ya Mkalama kwa msimu wa 2021/2022.

Baadhi ya wakulima  kutoka Kijiji Cha Endasiku Kata ya Mwangeza wameishukuru serikali kushirikiana na Bodi ya pamba Tanzania kutoa elimu ya njia bora za kufuata katika kilimo  Cha  pamba ambapo wamesema kuwa watatumia tekinolojia waliyoipata na kuacha kilimo Cha mazoea ambapo hapo awali walikuwa wakilima mashamba mkubwa huku mazao yakiwa madogo.

Kata ambazo zinazalisha zao la Pamba ni Mwangeza, Kinyangiri, Msingi, Gumanga, Ibaga, Mpambala pamoja na Kinampundu ambapo tayari elimu imeshatolewa kwa wakulima kwa vijiji 18 kwenye Kata hizo Wilayani Mkalama.