WATENDAJI WA KATA NA VIJIJI MKALAMA WAHIMIZWA KUTIMIZA WAJIBU

Imewekwa kwenye: February 11th, 2026

Mkurugenzi Mtendaji wa Halmashauri ya Wilaya ya Mkalama, Bi. Asia J. Messos, leo 10 Februari 2026 ameongoza kikao kazi na Watendaji wa Kata na Vijiji kilichofanyika katika Ukumbi wa Mikutano uliopo Hospitali ya Wilaya ya Mkalama, akiwahimiza kusimamia kikamilifu ukusanyaji wa mapato, uandikishaji wa wanafunzi wa elimu ya awali, msingi na sekondari, pamoja na kuhakikisha kila kaya inakuwa na choo bora.

Aidha, amewataka watendaji kuwatangazia wananchi fursa za mafunzo ya ufundi stadi yanayotolewa katika karakana ya Shule ya Msingi Nduguti, ikiwemo ufundi seremala, ushonaji na batiki, ufundi wa magari, TEHAMA, pamoja na ufundi wa kuchomeleaji, kwa lengo la kupunguza tatizo la ajira hususan kwa vijana