Wajumbe wa Sensa Wilaya ya Mkalama kuhamasisha Wananchi na vijana wenye sifa kuomba nafasi za ajira za muda za kusimamia zoezi la Sensa ya watu na Makazi inayotarajiwa kufanyika tar 23 mwezi Agosti Mwaka huu.

Imewekwa kwenye: May 10th, 2022

Watendaji wa kata pamoja na wajumbe wote wa sensa ya watu na Makazi wilayani Mkalama wametakiwa kuihamasisha jamii pamoja na vijana wenye sifa za kutuma maombi ya ajira za muda kwaajili ya zoezi la Sensa ya watu na Makazi linatarajiwa kufanyika tar 23 mwezi Agosti Mwaka huu.

Mkuu wa wilaya ya Mkalama Mhe.Sophia Kizigo amesema hayo katika kikao kazi  cha kwanza cha wajumbe  wa kamati ya sensa ya watu na Makazi wilayani Mkalama kilichofanyika Katika ukumbi wa Sheketela uliopo halmashauri ya wilaya ya Mkalama.

Aidha Mhe. Kizigo ameongeza kuwa Kila mtu akisimama kwa nafasi yake kuhamasisha zoezi la Sensa itapelekea  Serikali kupata idadi kamili ya Wananchi na kusaidia kupanga bajeti sahihi ya Nchi katika suala la Elimu, afya, Maji  pamoja na mambo mengine.

Awali akimkaribisha Mkuu wa wilaya, Mratibu wa Sensa Wilaya ya Mkalama  Bw.Daniel Tesha alieleza shughuli zinazoendelea Kwa Sasa kuwa ni kuendelea kutoa elimu ya hamasa Kwa wananchi Ili washiriki zoezi la Sensa Kwa kamati za sensa pamoja na kuratibu zoezi la kuwapata makarani na wasimamizi wa sensa Kwa Mwaka 2022..

Tanzania imekua ikifanya sensa Kila baada ya miaka 10 na Kwa Mwaka huu inatarajia kufanya Sensa Agosti 23 ambapo itakua ni sensa ya sita (6) tangu uhuru na zoezi hili linafanyika ikiwa ni utekelezaji wa sheria ya Takwimu sura ya 351.

Kauli mbiu ya mwaka huu ni "SENSA KWA MAENDELEO JIANDAE KUHESABIWA".