Udumavu umepungua kutoka 42% hadi kufikia 32% kwa mwaka 2020 Wilaya Makalama

Imewekwa kwenye: November 2nd, 2021

Imebainika kuwa Mkataba wa lishe umesaidia kupunguza udumavu Wilayani Mkalama  kutoka 42% kwa takwimu za mwaka 2010 hadi 34% kwa takwimu  za 2015  na kutoka 34% hadi  32% kwa mwaka 2020  huku takwimu za Mkoa zikionyesha udumavu  kupungua na kufikia 29%.

Hayo yamesemwa na Bw.Abdala Njelu akimuwakilisha Mkuu wa Wilaya ya Mkalama katika kikao cha  usimamizi wa Mkataba wa Afya na Lishe katika ngazi ya Kata , Vijiji na Mtaa iliyofanyika katika ukumbi wa Sheketela uliopo Halmashauri ya Wilaya ya Mkalama.

Aidha Bw. Njelu amesema kuwa kama Wilaya imekusudia  kupunguza udumavu mpaka kufikia 0% ambapo pia amewataka watendaji wa Kata, wataalamu wa afya kwakushirikiana na jamii ili kuhamasisha masuala ya lishe na vyakula vinavyoshauriwa vinayotokana na makundi yote matano ya vyakula.

Pamoja na hayo amesema kuwa malengo ya mikataba hii ni sawa na ile aliyosaini waziri wa Nchi OR TAMISEMI na Wakuu wa Mikoa yote Tanzania bara mnamo tar 19 Disemba 2017 na mikataba hiyo iliyoanza kutumika  tar 1 January 2018 ikiwa ni kufanikisha suala la kuboresha lishe na kupunguza athari za utapiamlo katika ngazi za Kata na Vijiji.

Kwa upande wake Afisa lishe Wilaya ya Mkalama Bi Eliwandisha Kinyau amesema kuwa Wamekuwa wakitoa elimu kwa wananchi kupitia siku ya Afya na lishe  na Mikutano ya hadhara kwakuelekeza namna sahihi ya kuuandaa chakula na lishe kwa watoto kwakuzingatia Makundi matano ya vyakula.

Pia ametaja vyakula vinavyoongeza damu kwa wingi  kuwa lazima vitokane na makundi matano ya vyakula  kuwa ni mboga mboga za kijani pamoja na matunda ,Madini ya chuma pia  nyama ikishauriwa kuliwa kwa kiasi huku akisisitiza watu wafanye mazoezi ili kuweka miili yao vizuri kwa kuimarisha Afya ya mwili na akili.