NOVEMBA 27,2024 TUJITOKEZE KWA WINGI KUPIGA KURA -DED ASIA

Imewekwa kwenye: September 7th, 2024

Mkurugenzi Mtendaji wa Halmashauri ya Wilaya ya Mkalama Bi.Asia Messos akiwa na Wakuu wa Idara, Vitengo na Taasisi za Umma, leo Septemba 6,2024 ameefanya ziara ya kikazi ya kusikiliza na kutatua kero mbalimbali zinazowakabili wananchi wa Kata za Msingi na Kinyangiri wilayani hapa

Akizungumza kwa nyakati tofauti wakati wa mkutano wa hadhara uliofanyika katika kata ya Kinyangiri na Msingi, Mkurugenzi Mtendaji wa Halmashauri ya Wilaya ya Mkalama amewataka wananchi wa kata hizo kushiriki kikamilifu katika Uchaguzi wa Serikali za Mitaa utakaofanyika Novemba 27,2024.

"Mwaka huu tuna tukio kubwa muhimu kwa ajili ya maendeleo yetu, ni uchaguzi wa Serikali Za Mitaa. Nitumie nafasi hii kuwasihi  kushiriki kwa kugombea nafasi mbali mbali za uongozi pamoja kupiga kura kuwa chagua  viongozi tunaowataka, ifikapo Novemba 27,2024 kwa pamoja twende tukapige kura" Bi.Asia Messos

Akizungumzia kuhusu zoezi la uboreshaji Daftari la Kudumu la Wapiga Kura, Bi. Asia Messos amesema kuwa zoezi hilo litaanza Septemba 25,2024 kwa mkoa wa Singida na litachukua muda wa wiki moja kwa wananchi kuboresha taarifa zao pamoja na kujiandikisha kwa wale waliofikisha umri  wa miaka 18, "Kipekee naomba mjitokeze kwa wingi kuboresha taarifa zenu kwa ajili ya uchaguzi wa 2025  wa Rais,Wabunge pamoja na Madiwani"DED Asia

Aidha, Mkurugenzi Mtendaji Bi. Asia Messos, amewakumbusha wakazi wa kata hizo juu ya muhimu wa kulinda maadili, kujiepusha na vitendo vya ukatili wa kijinsia, wajawazito  kufika kliniki kwa wakati pamoja na kulinda miundimbinu ya miradi inayojengwa na serikali.