Jamii imetakiwa kuwekeza kwenye Elimu

Imewekwa kwenye: July 28th, 2022

Jamii  imetakiwa  kuwekeza kwenye  elimu  ili kujenga kizazi cha  wasomi  na kinachoweza kujitegemea , pia kuleta  mageuzi   ya kiuchumi , Kifikra ,kwenye jamii na taifa kwaujumla.

Mkuu wa wilaya ya Mkalama Mhe. Sophia  Kizigo amesema hayo July 28 2022  katika mahafali ya darasa la saba katika shule ya  Awali  na Msingi  Nduguti  (NPPEMS) yaliyofanyika mapema leo shuleni hapo katika  Kijiji cha Nduguti kata ya Nduguti  Wilayani Mkalama.

Aidha Mhe. Kizigo alisema kuwa elimu ni msingi wa kila kitu endapo jamii itawekeza katika elimu  itatengeneza  jamii  yenye uwezo mkubwa wa kupambanua mambo mbalimbali  na kujenga kizazi cha wasomi kitakacho kuwa msaada mkubwa kwa taifa.

Pamoja na hayo aliupongeza uongozi wa Shule ya awali na Msingi Nduguti kufanya vizuri katika mitihani ya darasa la nne na kusema matokeo hayo yanatoa dira chanya kwa matokea ya darasa la saba hivyo kuwata watahiniwa hao kujiandaa kikamilifu na masomo ya  Sekondari kuweza  kuingia kwenye ulimwengu wa wasomi wenye ushindani mkubwa.

Dc Kizigo aliwapongeza  wazazi kwakushirikiana   na walimu katika kuboresha taaluma shuleni hapo huku akiwataka wazazi kufuatilia maendeleo ya watoto wao ili  kutambua watu wanao  Mshirikiana na watoto , kuwa fahamu vizuri tabia zao na mienendo yao.

Awali akisoma Risala kwa mgeni Rasmi mkuu wa  Shule hiyo   Mwl Jackline Mushy  alisema  maendeleo ya taaluma shuleni hapo yamekua  yakiridhisha kwani toka mwaka 2019  hadi 2021 matokeo ya darasa la Nne wamekua wakifaulisha kwa asilimia mia moja (100)

Aidha  Mwl Jackline alitaja ufaulu huo mzuri unachangiwa na juhudi za wazazi , walimu  , Wanafunzi pamoja na  Maafisa  elimu  ambao wamekuwa wakifuatilia  kwa ukaribu  maendeleo  ya shule hiyo ambapo aliahidi kuendeleza ushirikiano huo kwa maslahi mapana ya wilaya ya Mkalama na Taifa kwa ujumla.

Pamoja na mafaniko hayo Mwl Jackline alitaja changamoto mbalimbali zinazoikabili shule hiyo ikiwa ni pamoja na  ubovu wa miundo mbinu ya barabara ya kwenda shuleni  , kutopewa nafasi katika ziara za kimasomo, pamoja na ushirikishwaji duni wa vikao vya taaluma vinavyofanyika wilayani hapo .

Sanjari na hayo aliwashukuru wazazi na walimu kwa ushirikiano wanaouonesha na kuunga mkono juhudi zinazotolewa na shule hiyo ambapo amesema wataendelea kutoa elimu bora  kuhakikisha taaluma wilayani hapa inakua  na kuunga mkono juhudi za serikali za  kuboresha sekta ya Elimu Nchini.

Shule ya awali na  Msingi Nduguti ina takribani ya wanafunzi mia mbili (200) kati ya hao wanafunzi 18 ni  watahiniwa wa darasa la Saba na wanatarajia kufanya mitihani yao ya kuhitimu  mapema mwezi wa kumi.