ZIARA YA KAMATI YA FEDHA WILAYANI MKALAMA

Imewekwa kwenye: March 26th, 2024

Kamati ya Fedha, Mipango na Utalawa ikiongozwa na Mwenyekiti wa Halmashauri ya wilaya ya Mkalama. Mhe. James Mkwega pamoja na Mkurugenzi Mtendaji Bi.Asia Messos , imefanya ziara ya siku mbili kuanzia Machi 25-26,2024 kwa kutembelea miradi mbalimbali inayotekelezwa na serikali wilayani Mkalama.

Akizungumza kwa niaba ya Mwenyekiti wa Halmashauri, Mhe Emmanuel Kabea ambaye ni Makamu Mwenyekiti wa Halmashauri amemshukuru Rais Dkt Samia Suluhu Hassan kwa nzuri anayoifanya ya kuleta maendeleo kwa wananchi pamoja na usimamizi mzuri unaofanywa na uongozi wa Halmashauri wa kusimamia miradi inayotekelezwa na serikali wilayani Mkalama.

“Tunamshukuru sana Rais wetu Dkt.Samia Suluhu Hassan kwa kazi kubwa anaoifanya lakini pia tunaishukuru Halmashauri na usimamizi wa Mwenyekiti wetu Mhe. James Mkwega kazi zinaenda vizuri,ushirikiano wake na Mkurugenzi pia ushirikiano wake na waheshimiwa madiwani”, Mhe. Emmanuel Kabea

Aidha Mhe. Emmanuel Kabea ametoa pongezi kwa Mkuu wa wilaya ya Mkalama Mhe. Moses Machali kwa usimamizi mzuri wa miradi pamoja na Mbunge Mhe. Isack Mtinga katika kupigania maendeleo wilayani Mkalama

“Tunamshukuru Mbunge Isack Mtinga kwa kazi kubwa anayoifanya, Tunamshukuru pia Mhe. Moses Machali kwa kazi kubwa anaoifanya ya usimamizi kuhakikisha miradi hii inakamilika kwa wakati. Na kipekee tunawapongeza na kuwashukuru wakuu wote wa idara” Mhe. Emmanuel Kabea