WILAYA YA MKALAMA YAPOKEA MWENGE WA UHURU 2023

Imewekwa kwenye: September 23rd, 2023

WILAYA YA MKALAMA YAPOKEA MWENGE WA UHURU 2023

 Viongozi wa Wilaya ya Mkalama pamoja na Wananchi leo September 23, 2023 wamejitokeza kwa wingi  kuupokea na kuulaki  Mwenge wa uhuru  katika Kijiji cha Kidii Kata ya Msingi ukitokea Wilaya ya Iramba.

Akiongea wakati wa mapokezi hayo Mkuu wa Wilaya ya Mkalama Mhe. Moses Machali amesema amepokea Mwenge ukiwa umewaka na kumetameta na kuahidi kuutunza na kuulinda kwa kipindi chote utakapo kuwa Wilayani hapa .

Mhe. Machali amesema Mwenge utakimbizwa kwa Km 150.08 ambapo utakagua , kutembelea na kuzindua miradi Sita (6) ya maendeleo na Program Sita (6) yenye thamani ya Tsh. Billion 1.7.

Kauli mbiu ya Mbio ya Mwenge wa Uhuru 2023’’ TUNZA MAZINGIRA OKOA VYANZO VYA MAJI KWA USTAWI WA VIUMBE HAI NA UCHUMI WA TAIFA’’