WILAYA YA MKALAMA YAJIVUNIA MAFANIKIO MAKUBWA KWA MIAKA 61 YA UHURU.

Imewekwa kwenye: December 7th, 2022

Katika kuelekea  maadhimisho miaka 61  uhuru wa Tanganyika wilaya ya Mkalama ni miongoni mwa Wilaya zinazojivunia mafanikio  mbalimbali yatokanayo na uhuru huo katika Nyanja mbalimbali.

Akizungumza kwa niaba ya Mkurugenzi  wa Halmashauri ya wilaya ya Mkalama Afisa Mazingira wa wilaya Amon Sanga ameyataja mafanikio ambayo yamepatikana ndani ya Wilaya  tangu uhuru ambayo yamegawanyika katika nyanya mbalimbali ikiwemo Sekta ya Afya , Elimu , miundombinu ya maji , Mawasiliano , Kilimo pamoja na umeme.

Sanga alisema kupatakana kwa Wilaya ya Mkalama kumerahisisha kwa kiwango kikubwa upatikanaji wa huduma mbalimbali kwa Wananchi jambo ambalo ni mafanikio makubwa kwa Wilaya tangu uhuru.

‘’ tunajivunia miaka 61 ya uhuru kwani tumefanikiwa kupata   Ofisi ya Halmashauri ya  Wilaya na kupata wilaya mpya kutoka wilaya Mama ya Iramba. Alisema Sanga

‘’Pia tunajivunia maboresho makubwa katika sekta ya Afya, tumepata Zahanati, Vituo vya Afya , Barabara, Maji , Umeme na mambo mengi ambayo kabla ya uhuru ilikuwa hamna’’. Aliongeza Sanga

Aidha Afisa mazingira huyo aliongeza kwakuwataka Wananchi kuwa wazalendo na kushiri katika shuguli mbalimbali za maendeleo pamoja na kuunga mkono juhudi za Serikali ya awamu ya Sita ambayo imeendelea kutoa fedha kwaajili ya maendeleo ya Wananchi.

Maadhimisho ya  miaka 61 Uhuru  mwaka 2022 kwa Mkoa wa Singida yatafanyika katika Kata ya Iguguno  Wilayani Mkalama  na Kauli Mbiu  ya Maadhimisho hayo ni ‘’MIAKA 61 YA UHURU  AMANI NA UMOJA NI NGUZO YA MAENDELEO YETU’’