WASIMAMIZI WA MRADI WA BOOST WAPEWA MWEZI MMOJA KUKAMILISHA UJENZI

Imewekwa kwenye: April 5th, 2023

Mkuu wa Wilaya ya Mkalama Mhe. Mosses Machali ametoa mwezi moja kukamika kwa  mradi wa kuboresha upatikanaji wa fursa sawa  katika ujifunzaji bora kwa Elimu ya Awali na Msingi Tanzania Bara (BOOST) miradi inayohusisha  ujenzi wa miundo mbinu ya Shule za Awali na Msingi Wilayani hapa.

 Mhe. Machali ametoa agizo hilo  mapema leo April 5, 2023 katika ukumbi wa Sheketela uliopo katika Halmashauri ya Wilaya ya Mkalama  katika kikao kazi na Watendaji wa  Kata, Maafisa Tarafa , walimu wakuu Pamoja na Wakuu wa Idara na Vitengo.

‘’Ninatoa mwezi mmoja  baada ya vifungu vya fedha za utekelezaji wa mradi wa ‘Boost ‘ kusoma kwakweli sitokuwa na utani na mtumishi mzembe katika hili ninataka miradi hii ikamilike kwa wakati na tena kwa viwango’’ Alisisitiza Mhe. Machali.

Pamoja na haya amewataka wasimamizi wa Miradi hiyo kuhakikisha wanatafuta  mafundi wa kutosha ili kuongeza kasi ya ukamilishaji wa miradi hiyo huku akiwataka kusitisha mara moja mikataba na mafundi wazembe watakaopelekea ucheleweshaji wa ujenzi huo Pamoja na kusimamia vizuri sheria za manunuzi ya vifaa vya ujenzi .

Kaimu Mkurugenzi wa Halmashauri ya Wilaya ya Mkalama Bw. Selemani Msunga ambaye pia ni Afisa Kilimo,uvuvi na Mifugo amesema kuwa Wilaya imepokea shilingi Million 925,400,000/= kwaajili ya ujenzi wa vyumba vya madarasa 12 kwa Shule za Msingi Irama,Ishenga,Kikhonda,Kinyambuli, Ndala Pamoja na Nyahaa Pamoja ujenzi wa matundu  13 ya vyoo  katika Shule hizo.

Aidha Bw. Msunga aliongeza kuwa watahakikisha wanasimamia vizuri fedha hizo na kuahidi kukamilisha miradi hiyo kwa wakati Pamoja na kuwachukulia hatua watumishi wote wazembe watakao jaribu kukwamisha zoezi hilo.