SINGIDA KUPOKEA RUZUKU YA ALIZETI YENYE THAMANI ZAIDI YA BILIONI 8

Imewekwa kwenye: January 4th, 2024

Naibu Waziri wa Kilimo David Silinde amezindua mbegu za ruzuku ya Alizeti Kwa Mkoa wa Singida zenye thamani ya zaidi ya Tsh. Bil 8 ambazo zitauzwa  kwa wakulima Kwa bei ya ruzuku Ili kuongeza tija katika uzalishaji wa zao hilo.

Uzinduzi huo umefanyika Januari 3 , 2024 katika ukumbi wa RC Mission Mkoani Singida.

Aidha Mhe. Silinde amesema kuwa Mkoa wa Singida utapokea Tan 600 ya mbegu bora za alizeti, tan 315 za mbegu chotara ambazo sawa na asilimia 42 ya mbegu zote zinazosambazwa Nchini zenye thamani ya Tsh. Bil 6.5 na mbegu za uchavushaji tani 285 zenye thamani ya Tsh.Bil 2.28 nakufanya jumla ya  zaidi Tsh bil.8.5 ambazo zitatolewa kwa ruzuku kwa Mkoa wa Singida.

Kwa upande wake Mkuu wa Mkoa wa Singida Peter Serukamba amewataka Wakuu wa Wilaya wote Mkoani hapa  kuhakikisha wanafanya usimamizi wa  mbegu hizo na kuwafikia wakulima wote ndani ya wiki tatu.