PIKIPIKI SITA ZAKABIDHIWA KWA WATENDAJI WA KATA

Imewekwa kwenye: February 20th, 2023

Mkuu wa Wilaya ya Mkalama Mhe. Moses Machali leo February 20, 2023 amekabidhi pikipiki Sita ( 6) kwa Watendaji wa Kata za Nkinto, Matongo, Mpambala, Ibaga , Msingi na Kinampundu.

Aidha amewataka watendaji hao kutumia pikipiki hizo vizuri katika kutatua kero za Wananchi , kusimamia miradi ya maendeleo na kufuatilia ukusanyaji wa mapato  huku akiwaonya  kutumia pikipiki hizo kwa masuala yao binafsi na kuzigeuza kuwa za biashara.

Piki piki hizi Sita  ni Miongoni mwa Pikipiki 916 zenye thamani ya Tsh. Bilion 2.9  zilizokabidhiwa kwa watendaji wa Kata Nchini hivi karibuni  na Makamu wa Rais wa Jamhuri ya Muungano wa Tanzania Dr. Philipo  Mpango jijini Dodoma.