OR TAMISEMI YATOA MAFUNZO YA MFUMO WA USIMAMIZI WA MIKOPO HALMASHAURI YA MKALAMA

Imewekwa kwenye: June 14th, 2022

Katika kuongeza umakini  wa  usimamizi wa mikopo kwa halmashauri  zote Nchini  Ofisi ya Rais Tawala za Mikoa na Serikali za Mitaa  (OR TAMISEMI)  imesanifu  mfumo wa Kieletroniki ambao utawezesha  usimamizi  wa mikopo unaotokana na asilimi kumi  (10%)  na kuongeza  udhibiti  katika ushughulikiaji   wa maombi ya mikopo , usimamizi wa vikundi , marejesho ya mikopo na utoaji  wa taaarifa mbalimbli.

Kaimu Mkurungezi wa Halmashauri ya Wilaya ya Mkalama  Abdalla Njelu alisema  hayo wakati akifungua kikao  kazi  cha mfumo wa kielekitroniki ngazii ya wilaya ya siku mbili yaliyoanza leo  Juni 14,  hadi juni 16 mwaka huu.

Njelu  alisema  mfumo huo hautabadili utaratibu uliopo kwa mujibu wa sheria  bali unaongeza umakini  katika usimamizi wa mikopo kwa  kubaini watumishi wasio waadilifu kuchukua mikopo  kupitia mgogo wa kikundi, usimamizi  usioridhisha  wa mikopo inayotolewa  , mtu mmoja kukopeshwa zaidi ya mara moja  pamoja na marejesho kutorejeshwa  kwa wakati na hakuna mkakati wa kusimamia vikundi visivyorejesha  kwa wakati.

‘’Ili kuleta ufanisi wa usimamizi wa mikopo hii julai 2018 serikali ilifanya marekebisho ya  sheria za fedha za serikali  za mitaa  sura 250 kwa kuongeza kifungu 37A  ambachokimeeleza utaratibu wa utengaji ,utoaji  na usimamizi wa mikopo mwaka 2019 OR TAMISEMI  iliandaa kanuni za utoaji na usimamizi  wa mikopo kwa makundi ya wanawake  vijana na watu wenye ulemavu kwa lengo lakufafanua utekelezaji wa sheria hiyo aidha mwezi  februari 2021 kanuni hizo zilifanyiwa marekebisho’’ alisema Njelu.

Awali akizungumza kwenye mafunzo hayo Afisa Maendeleo ya Jamii Wilaya ya Mkalama,  Mohmed Atiki alisema mfumo huo wa kielekitroniki ujulikanao kama (Ten Percent Loan Management Information System )  utarahisisha utendaji kazi na ufuatiliaji  pia kuongeza  umakini  katika kufuatilia vikundi vyote na kutoa mafunzo kwa maafisa maendeleo ngazi ya kata hadi kwa vikundi  na wanatarajia kutoa mafunzo  hayo ngazi ya vitongoji.

Pamoja na hayo alisema mfumo huo  utabaini vikundi hewa  pamoja na mianya yote ya ubadhilifu na kuondoa changamoto zilizokuwa zikijitokeza hapo awali ikiwa ni pamoja na baadhi ya viongozi wasio waadilifu kutumia vikundi hivyo kwa masilahi yao binafsi.