Naibu Katibu Mkuu ofisi ya Makamu wa Rais (MAZINGIRA) atembelea Wilaya ya Mkalama

Imewekwa kwenye: October 24th, 2022

Naibu  Katibu  Mkuu  Ofisi ya Makamu wa Rais (Mazingira)  Dr. Sweetbert  Zakaria  Mkama  amewataka wakuu wa Idara na Vitengo wa Halmashauri ya wilaya ya Mkalama kumsaidia Mkurugenzi Mtendaji kuhakikisha mradi wa kurejesha Ardhi iliyoharibika na kuongeza usalama wa chakula unakamilika kwa wakati.

 Ameyasema  hayo  Oktoba 24 mwaka 2022 wakati  wa  ziara  yake katika Wilaya ya Mkalama yenye lengo la kukagua mradi wa kurejesha  Ardhi  iliyoharibika na kuongeza Usalama wa Chakula  katika maeneo kame.

Aidha, aliongeza  Wananchi wanahitaji huduma  karibu na maeneo yao  kama vile maji, Shule na huduma zingine hivyo kuwataka wanaohusika na manunuzi kuhakikisha kwenye maeneo ya mradi wanafanya manunuzi mapema ili wananchi wapate huduma katika kuunga mkono  juhudi za Serikali ambayo inatoa fedha nyingi ili kupeleka miradi kwa  jamii.

‘’Niwatake wakuu wa Idara na Vitengo kila mmoja kwa nafasi yake kusimamia wajibu  wake ili kuhakikisha fedha zinazotolewa na Serikali zinazaa matunda kwa wananchi ‘’ Aliongeza Dr. Mkama.

Katika ziara yake alikagua mashine mbili za kukoboa mpunga  na kutaka zipelekwe mapema kwa wananchi kabla ya mvua kuanza  na kuagiza ukamilishwaji wa majengo kwa ajili  ya kufunga mashine .

 Mradi wa kurejesha Ardhi iliyoharibika na kuongeza Usalama wa Chakula unatekelezwa katika Vijiji vitano (5) vya Halmashauri ya Wilaya ya Mkalama  Nyahaa, Mkiko,  Lugongo , Mpambala pamoja na Kijiji cha Munguli