MNATAKIWA KUJUA HAKI ZENU ZA MSINGI, KUELEWA MAHALA SAHIHI PA KUWASILISHA CHANGAMOTO ZENU' WAKILI MAKENDI'

Imewekwa kwenye: January 17th, 2024

Jamii imetakiwa kujua na kuelewa  haki zao za Msingi Ili  kuepuka  migogoro inayoweza kujitokeza kwa kukosa uelewa wa   mahala sahihi katika kuwasilisha changamoto zao  na kupatiwa msaada wa masuala mbalimbali ikiwemo migogoro ya Ardhi, Ndoa pamoja na haki zingine kama  vile ya kuishi na kuheshimiwa katika kutoa mawazo.

Hayo yamesemwa  Januari 17 , 2024 na Wakili wa Serikali wa  Halmashauri ya Wilaya ya Mkalama, Daud Makendi katika Mkutano wa hadharani wa Wananchi wa vijiji vya Malaja Kata ya Nkalakala, na Mazangili Kata ya Nkinto, katika Kampeni ya msaada wa kisheria ya Mama Samia Suluhu ( Mama Samia Legal Aid Campaign).

Aidha, amewataka Wananchi kuacha kujichukulia Sheria mkononi kama njia ya kupata Suluhu kwao kwani kwa kufanya hivyo itapelekea wao kupoteza haki za Msingi na kukosa haki aliyostahili kuipata.

Pia  Wakili,  Makendi amewaeleza Wananchi hao Mamlaka za utatuzi wa migogoro ya Ardhi kuwa ni Baraza la Ardhi la Kata, Baraza la Ardhi na Nyumba Wilaya, Mahakama Kuu na Mahakama ya Rufaa.

Pamoja na hayo Wakili Makendi aliwataka Wananchi  kuandika Wosia ili kuwasaidia wanaobakia kuendelea kutumia Mali alizoziacha muhusika na kuepusha migogoro ya kunyang'anywa Mali na watu wasiokuwa warithi.

" Msiogope kuandika wosia , kwa kudhani mnajichuria kifo" Alisisitiza 

Sanjari na hayo amesisitiza kuwa faida za kuandika Wosia ni kuwapa haki wanaostahili kupata mgawanyo wa Mali ulizonazo ambapo ameongeza kwa kusema kuwa  kwa mujibu wa Sheria wanaoruhusiwa kurithi Mali hizo ni wahusika wa familia ambao ni Mjane/ Mgane pamoja na watoto