MKUU WA WILAYA YA MKALAMA MHE. MACHARI AKABIDHIWA RASMI OFISINI

Imewekwa kwenye: February 11th, 2023

Mkuu wa Wilaya ya Mkalama  Mhe. Moses Machari  amewaomba Wananchi wa Wilaya ya Mkalama , Watumishi wa Idara na Vitengo Pamoja na  Taasisi zote  Wilayani hapa kumpa ushirikiano wa kutosha ili kuendeleza yale mazuri yaliyofanywa na aliyekuwa Mkuu wa Wilaya , Mhe. Sophia Kizigo kuhakikisha  Wilaya inasonga  mbele zaidi kimaendeleo.

Ameyassema hayo mapema leo February 4, 2023 wakati wamakabidhiano ya Ofisi  yaliyofanyika katika Ofisi za Mkuu wa Wilaya ya Mkalama, ambapo amesema kuwa anamshukuru Mhe. Rais wa Jamhuri ya Muungano wa Tanzania Dkt. Samia Suluhu Hassan kuendelea kumuamini  kwa kipindi kingine  na kumteua kuja kuitumikia Wilaya ya Mkalama akitokea Wilaya ya Bukoba na kuahidi kufanya kazi kama timu kwa masilahi mapana ya Wilaya ya Mkalama.

‘’Awali ya Yote ninamshukuru Mwenyezi Mungu kutukutanisha leo, Lakini pia Shukrani zangu zimwendee Rais wa Jamhuri ya Muungano wa Tanzania  Dkt. Samia Suluhu Hassani kuona ninafaa kuja kuitumikia Wilaya ya Mkalama , kubwa ninaomba ushirikiano wenu kwasababu kutekeleza majukumu haya ni ‘connection’ , sijaja kutangua torati bali nimekuja kuendeleza yale mazuri yaliyofanywa na Mhe.Kizigo’’ Aliongeza Mhe. Machari.

Aidha alisema kuwa atahakikisha analinda Imani iliyojengwa na aliyekuwa Mkuu wa Wilaya ya Mkalama  Mhe. Sophia Kizigo  kwa Wananchi wa Mkalama huku akiwataka watumishi wote kila mmoja kwa nafasi yake kufanya majukumu yake kikamilifu ili kuepuka migongano katika utendaji kazi .

Kwa upande wake aliyekuwa Mkuu wa Wilaya ya Mkalama Mhe. Sophia Kizigo amewashukuru watumishi wote wa Wilaya ya Mkalama, Ofisi ya Mkurugenzi Mtendaji, ,Mwenyekiti wa Halmashauri, Baraza la Madiwani Pamoja na Taasisi zote Wilayani hapa kwa ushirikiano waliompa kwa kipindi chote akiwa Wilayani Mkalama na kuwaomba kumpa ushirikiano huo Mhe . Machari ambaye ndio Mkuu wa Wilaya .

Pamoja na hayo Mhe. Kizigo amemkabishi  Ofisi Mkuu wa Wilaya ya Mkalama Mhe. Machari nakumwambia Mkalama iko salama na watu wake ni wachapa kazi  na wanaendelea na shughuli  mbalimbali za maendeleo ikiwa ni Pamoja  na Kilimo, Ufugaji na shughuli za uchimbaji wa madini  hivyo kumuomba kuendeleze alipoishia na kuibua mengine mapya kwa ustawi wa Wilaya ya Mkalama.