MADIWANI MKALAMA WAOMBA SHERIA YA WANYAMA PORI IBORESHWE

Imewekwa kwenye: November 29th, 2023

MADIWANI MKALAMA WAOMBA SHERIA YA WANYAMA PORI IBORESHWE

Baraza la Madiwani  Halmashauri ya Wilaya ya Mkalama mkoani Singida wameiomba serikali kuifanyia mabadiliko sheria ya malipo ya fidia kwa wananchi ambao mazao yao yanaharibiwa  naTembo mashambani  kwani kiwango kinachotolewa kwa waathirika ni kwasa ni kidogo ukilinganisha na athari zinazozababishwa na Tembo hao.

Ombi hilo limetolewa na Diwania wa kata ya Mwangeza,Bosco Samweli, wakati wa kikao cha Baraza la wazi la Madiwani cha cha robo ya kwanza  kwa mwaka wa fedha 2023/24  kilichofanyika katika ukumbi wa Sheketela uliopo katika Halmashauri ya Wilaya ya Mkalama Novemba 29/2023.

Diwani Bosco Samweli alisema maeneo mbalimbali katika Wilaya ya Mkalama wananchi wamekuwa wakikubwa na uvamizi wa tembo kwenye nyumba zao na uharibifu wa mazao mashambani lakini kiwango cha Sh.100, 000 kinachotolewa kwa waathiriwa wa mashamba na Sh.1, 000,000 kinachotolewa kama kifuta jasho kwa wanaopoteza maisha ni kidogo sana hivyo kuna haja ya kubadili sheria ili kiwango cha malipo ya fidia na kifuta jasho kiongezeke.

 Akijibu hoja hiyo, Kaimu Mkurugenzi wa Halmashauri ya Wilaya ya Mkalama,Abdalla Njelu, amesema ni kweli wilaya hiyo wananchi wanapata sana changamoto ya tembo na kwamba suala la kutaka kiwango cha malipo na fidia na kifuta jasho kiongezwe wataliwasilisha katika ngazi husika