KILA MTUMISHI AISHI KATIKA KITUO CHAKE CHA KAZI 'RC SERUKAMBA'

Imewekwa kwenye: January 9th, 2024

Mkuu wa mkoa wa Singida Mhe. Peter Serukamba ametoa agizo kwa maafisa ugani na maafisa elimu Kata Wilayani Mkalama kukaa katika maeneo yao ya kazi ili kuongeza ufanisi katika kazi zao.

Ametoa agizo hilo  Januari 08,2023 wakati wa kikao kazi na Madiwani, Maafisa Ugani, watendaji wa kata, vijiji pamoja na wakuu wa idara na Vitengo  kilichofanyika katika ukumbi wa Sheketela uliopo Halmashauri ya Wilaya ya Mkalama.

" Maafisa ugani, maafisa elimu wote waishi katika maeneo yao ya kazi, tuandae vipimo vya kupima utendaji kazi wa maafisa ugani, kila mwezi ametembelea wakulima wangapi? kila mwezi ameandikisha wakulima wangapi? kuwaelimisha wakulima jinsi ya kulima kisayansi" Mhe. Serukamba

Mhe. Serukamba amewataka watendaji kuongeza uzalishajikwa kufuata  taratibu za kilimo,kilimoambapo amewaomba  Madiwani kutumia vikao vyao kuwaelimisha  wananchi juu ya matumizi sahihi ya mbolea ili kuongeza uzalishaji Wilayani hapa ambapo pia ambapo alimuagiza Afisa kilimo wilaya kufanya vikao na maafisa Kilimo wa Kata pamoja na Maafisa ugani kilamara  ili kuongeza ufanisi wao  kazini. 

Katika hatua nyingine Mhe. Serukamba ametoa wito  kwa  Maafisa elimu wilaya kusimamia zoezi ka uandikishaji wanafunzi sambamba na kupunguza tatizo la utoro Shuleni. 

Naye  Afisa Kilimo Wilaya ya Mkalama Bw. Selemani  Msunga amesema hali ya matumizi ya mbolea kwa wilaya ya Mkalama ni nzuri kiasi kwamba matumizi ya mbolea kwa wakulima yamevuka lengo lillokuwa limewekwa ambapo amesema kama Wilaya ilikusudia kutumia tani 1500 lakini kwa sasa matumizi yamefikia  zaidi ya tani 2000

Akiongea kwa naiba ya Madiwani Mwenyekiti wa Halmashauri ya Wilaya ya Mkalama Mhe. James Mkwega amesema kama madiwani watahakikisha wanawahamasisha wananchi kulima kisasa na kuongeza uzalishaji kwakutumia mbolea pamoja na mbegu bora ambapo pia aliwataka watendaji, Maafisa ugani pamoja na Maafisa Tarafa kutekeleza majukumu yao vizuri kwakuwatembelea wananchi na kuacha kukaa maofisini.