JAMII HAKIKISHENI MNAKOMESHA UKATILI

Imewekwa kwenye: March 8th, 2023

Jamii imetakiwa kukosemesha na kukemea vitendo vyote dhidhi ya ukatili kwa  wanawake na Watoto wa kike ili kuleta usawa wa kijinsia na kuhakikisha wanawake wanapewa haki katika nyadhifa mbalimbali za uongozi .

 Mkuu wa Wilaya ya Mkalama Mhe, Moses Machali ameyasema hayo March 8, 2023 katika kilele cha maadhimisho ya Siku ya wanawake Duniani ambayo  Wilayani Mkalama yamefanyika katika Kijiji cha Singa kilichopo Kata ya Kinampundu.

‘’ Ni ushamba na ni ujinga kuona wanaume wanawanyanyasa wanawake katika jamii wakati tumeona wanawake wanaonyesha uwezo Mkubwa  katika Nyanja mbalimbali za uongozi kama tunavyoona Rais wetu wa Jamhuri ya Muungano wa Tanzania ni Mwanamke, na wengine wengi hata hapa Wilayani tunaona DAS wetu ni mwanamke, Mkurugenzi ni mwanamke na wengine wengi , tena wana michango na mawazo mazuri  kuliko hata sisi wanaume ambayo yanaleta tija kwa jamii’’ Alisisitiza Mhe. Machali

Aidha Mhe. Machali aliongeza kuwa siku hii Adhimu ya wanawake Duniani ikalete chachu kwa jamii kumheshimu mtoto wa kike  na kumpatia haki ya Elimu na wanawake  wote kwa ujumla huku akisema kwa yeyote atakayebainika kufanya vitendo vya kikatili kwa wanawake Wilayani hapa  hatua kali za kisheria  zitachukuliwa dhidi yake.

Mhe. Machali amesema kuwa kauli mbiu ya mwaka  2023 ni  ’Ubunifu na Mabadiliko ya Teknolojia chachu katika kuleta usawa wa kijinsia’ ikalete mabadiliko na usawa wa kijinsia katika jamii huku akiitaka jamii kutumia vizuri mabadiliko hayo kujenga jamii yenye usawa inayotenda haki kwa masilahi mapana ya kizazi kijacho.