DC MACHALI AKEMEA VIKALI VITENDO VYA USHOGA

Imewekwa kwenye: April 18th, 2023

Mkuu wa Wilaya ya Mkalama Mhe. Moses Machali  amekemea vikali vitendo vya ushoga, Usagaji na Ubasha  Wilayani Mkalama na kuwataka wananchi kujikita kwenye misingi , Imani na Utamaduni wa Mwaafrika .

Ameyasema hayo April 18, 2023 katika ziara yake ya kikazi ya kusikiliza na kutatua kero za Wananchi katika Kata za Tumuli na Msingi Wilayani Mkalama.

‘’ Haki za binadamu hazipatikani kwakufanya vitendo ambavyo ni kinyume na mapenzi ya Mungu niwaombe  viongozi wangu wa dini mliopo hapa hakikisheni kwenye nyumba zenu za ibada mnapinga kwa nguvu zote vitendo hivi ambavyo vinabadili utamaduni wetu ‘’ Aliongeza Mhe. Machali

Pamoja na hayo aliwataka wazazi kukaa na kuongea na Watoto kuhusu madhara ya Ushoga, Ubasha na usagaji kwaajili ya kuwa na kizazi chenye maadili mazuri huku akiwataka kuhakikisha wanasimamia malezi  na maadili ya Watoto.

Mhe. Machali aliwataka wananchi hao kuhakikisha wanashiriki katika shughuli za maendeleo zinatolewa na Serikali ya awamu ya Sita, huku akiwataka kutoa ushirikiano katika  kuwabaini wahalifu wote ambao wanatishia amani ya wananchi ambapo amewaahidi jukumu la Serikali ni kuhakikisha wananchi wanakuwa salama Pamoja na mali zao.

Katika hatua nyingine aliwataka wakuu wa Idara na Taasisi mbalimbali Wilayani Mkalama kuhakikisha wanashughulikia kero na kutatua  migogoro yote hususani ile ya Ardhi na mipaka ili kuhakikisha wananchi wanajikita kwenye masuala ya maendeleo na kuachana na  migogoro.