DC KIZIGO ASAINI MKATABA WA LISHE NA WATENDAJI WA KATA

Imewekwa kwenye: October 27th, 2022

Mkuu wa wilaya ya Mkalama Mhe. Sophia  Kizigo amesaini Mkataba wa Lishe na watendaji wa Kata katika Halmashauri ya Wilaya ya Mkalama utakaoenda kutekelezwa ngazi ya kata ili kuhakikisha  Wilaya inakuwa vizuri kwenye  Lishe na kumaliza utapia mlo .

Amesaini  Mkataba huo  mapema leo Oktoba 27 2022 wakati  wa kikao cha tathimini  ya lishe , jiongeze  tuwavushe salama na  iCHF na Watendaji wa  Kata katika ukumbi wa uthibiti ubora  elimu uliopo katika Halmshauri ya Wilaya ya Mkalama.

Aidha  Dc Kizigo aliwataka  watendaji   , wataalamu wa afya  pamoja  na wadau wa lishe  kuhakikisha wanasimamia zoezi la lishe ili kuandaa kizazi bora cha baadae.

Katika hatua nyingine aliwataka kuhamasisha jamii kuhusu umuhimu wa lishe pamoja na faida za kujifungulia hospitali ili kuepusha vifo vya Mama na mtoto.

Mkurugenzi  Mtendaji  wa  Halmashauri  ya Wilaya ya Mkalama Bi. Asia Messos alitumia fursa hiyo kuwataka watendaji  wa  Kata kushirikiana na watendaji  wa Vijiji kusimamia majumu yao kwa weledi kwakufuata sheria za utumishi wa Umma kuwa waadilifu kwa kipindi chote cha utekelezaji  wa majukumu yao.

Hata hivyo aliwataka kusimamia miradi ya maendeleo inayotekelezwa na serikali  pamoja na kufuatilia ukamilisha wa shule madarasa mawili (SM2) ili kupunguza uhaba wa madarasa  wilayani Mkalama.

Afisa  Lishe  Wilaya ya Mkalama Eliwandisha Kinyau alisema kuwa  wataendelea kutoa elimu shuleni kuhusu masuala ya lishe na ulaji bora unaoshauriwa kwa kufuata makundi matano ya chakula pamoja mna kuanzisha bustani  Penseli  ya kilimo cha mboga mboga ili kuboresha lishe kwa wanafunzi na  jamii kwa ujumla.