Bill 34 ni Rasimu ya Bajeti Kwa mwaka 2022/2023

Imewekwa kwenye: January 28th, 2022

Na Rachel Joram

Baraza la madiwani wa Halmshauri ya wilaya ya Mkalama leo limepitisha mpango na bajeti ya Tsh 34,107,102,302.98  kwa mwaka fedha 2022/2023.

Bajeti hiyo imepitishwa katika baraza maalum la madiwani lilifanyika katika ukumbi wa Sheketela uliopo katika halmashauri ya wilaya ya  Mkalama.

Aidha Bajeti hiyo ni kwaajili ya mishahara,matumizi mengineyo na miradi ya maendeleo ambapo  katika utekelezaji huo kipaumbele kikubwa ni kuongeza  ukusanyaji wa mapato  kutoka Sh.1,170,000,000.00 hadi Sh.1,210,000,000.00 ambazo kati ya 40%  sh.484,000,000.00 zitatumika kwa shughuli za utekelezaji wa  miradi  ya maendeleo na 60%  Sh 726,000,000.00 zitatumika katika shughuli za uendeshaji.

Mbunge wa jimbo la Iramba Mashariki Mhe. Isack Mtinga amesema kuwa akiwa kama mwakilishi wa Wananchi atahakikisha anaomba mafungu  ya bajeti inapotokea fursa na kuaahidi kushugulikia changamoto zilizo ndani ya uwezo wake, ambapo sambamba na hayo amewataka wahemiwa madiwani kuwahamasisha wananchi katika kata zao kupanda miti  kwaajili ya kutunza mazingira.

Akiahirisha kikao hicho Mwenyekiti wa Halmashauri ya wilaya ya Mkalama Mhe. James Mkwega amesema kuwa   Rasimu ya bajeti hii ina miongozo ya ukomo lakini bado halmashauri  ina uhitataji mkubwa  wa  kuongezewa bajeti   kutokana na halmashauri kuwa na miradi mingi ya kutekeleza kwenye sekta ya Elimu ,Afya , maji na miundombinu ya barabara.