“WALIMU TUTUMIE VIZURI VIPINDI VYA MICHEZO” NICODEMO KAGETE

Imewekwa kwenye: May 24th, 2024

Afisa Michezo wilaya ya Mkalama Nicodemo Kagete amewataka walimu wa shule za msingi na sekondari kutumia vizuri vipindi vya michezo mashuleni ikiwa ni mkakati wa wilaya kuendeleza michezo na kusaka vipaji vitakavyosaidia kuitangaza wilaya ndani na nje ya nchi.

Wito huo ameutoa Mei 24,2024 mara baada ya kumalizika kwa mchezo wa mpira wa Pete uliokutanisha timu ya Watumishi ya Halmashauri ya wilaya Mkalama dhidi ya wanafunzi wa shule ya Sekondari Nduguti uliopigwa katika viwanja vya shule ya Sekondari Nduguti

“Napenda kutoa wito kwa watu wote wilayani Mkalama kushiriki michezo lakini kwa walimu wote wa michezo watumie vipindi vya michezo kuendeleza michezo mashuleni, Michezo ni ajira, michezo ina jenga afya na pia ina saidia kuboresha mahusiano” Afisa Michezo, Nicodemo Kagete

Katika mchezo huo, Timu Mkalama inayoundwa na watumishi imeibuka na ushindi mnono wa goli 19 kwa 7 dhidi ya timu ya wanafunzi ya shule ya Sekondari Nduguti.