HOSPITAL YA WILAYA YA MKALAMA RASMI YAFANYA UPASUAJI KWA MARA YA KWANZA

Imewekwa kwenye: January 15th, 2023

Mganga Mkuu wa  Mkoa Singida, Dr. Victoria Ludovick  amewapongeza  Watumishi  wa Hospitali ya Wilaya ya Mkalama kufanikisha  zoezi la Upasuaji (Cesarean Section ).

Ametoa pongezi hizo tarehe 14/01/2023 alipo mtembelea Bi.Mwamwini Thabiti aliyofanyiwa upasuaji katika Hospitali ya Wilaya ya Mkalama.

‘’Nimekuja kumuona mgonjwa aliyejifungua kwa njia ya upasuaji   katika Hospitali ya Wilaya ya Mkalama, ni mgonjwa wa kwanza kufanyiwa upasuaji hospitalini hapa na upasuaji ulianza rasmi tarehe 13/01/2023 nichukue fursa hii kuipongeza sana Timu ya Wilaya ya Mkalama kwa juhudi walizozifanya kwa kuhakikisha vifaa vilivyokuja vinaanza rasmi kutumika’’ Aliongeza Dr. Ludovic.

Aidha, ameendelea kuwatia moyo Watumishi wa Sekta ya Afya Wilayani hapa kuendelea na moyo wa  kuwahudumia Wananchi kwani Sekta ya Afya imebeba uhai wa watu,ili waendelee kuwa na afya bora na wanaoweza  kujiendeleza katika shughuli za kijamii.

Katika hatua nyingine aliishukuru Serikali ya awamu ya sita kwa kuwekeza katika Sekta ya Afya kwa kutoa vifaa tiba pamoja na Watumishi ili kuboresha huduma ya afya Wilayani hapa na kuaihidi kuunga mkono juhudu hizo.

Naye Bi.Mwamini Thabiti alionesha furaha yake alipofanya mhojiano na Kitengo cha Mawasiliano Serikalini cha Halmashauri ya Wilaya ya Mkalama alisema upatikanaji wa huduma hiyo utarahisisha huduma kwani walikuwa wanatembea umbali mrefu kufuata huduma ya afya katika Kituo cha Afya cha Kinyambuli.